1-qismЖинсий олат (пенис) ўлчами аҳамиятлими? Эркакларнинг асосий қисмини ҳаёти давомида бир марта бўлса ҳам қуйидаги саволлар ташвишга солади. Менинг жинсий олатимнинг ўлчами етарлими, қониқтираоламанми, қандай қилиб катталаштирсам бўлар экан? Аслида нормаси қанча? Wessels ва Lue (1996), маълумотларига кўра жинсий олатнинг тинч ҳолатидаги ўртача узунлиги 8,8 ва 9,7см орасида бўлса тортилган ҳолатда(эрекцияга муқобил) эса 12,4см. см. Ponchietti ва хамкасабалари ҳам 2001 й.да 3300 та ёш эркакларни кўригидан сўнг юқоридагига ўхшаш хулоса беришган, яъни 10смдан 12,5смгача. Барча текширувларда антропометрик текширувлар хам ўтказилган ва кучсиз корреляция кузатилган. Пенисни катталаштириш ниятида шифокорга мурожаат қилган эркакларнинг одатда ўлчами нормада бўлади. Бундай ҳолатни мутахассислар эркаклар ечиниш хонасини комплекси деб аташади. Эркаклар ўз жинсий аъзоларига юқоридан қарагани учун кичикроқ туйилади, лекин ёнбошдан қаралса барчаники билан баробардир. Шуни ҳам алоҳида таъкидлаш керакки, тинч ҳолатда кичик кўрингани билан эрекция ҳолатига ўтганда ҳеч қандай пропорцияга амал қилмаган ҳолда катталашади. Эрекция пайтида 9,5смдан кичик бўлсагина жинсий олатни кичик деб ҳисобланади. Баъзи мутахассислар эса 7,5см ҳам дейишади. Ўлчашда дорсал тарафида қорин деворига 90° бурчак остида пенопубикал бурчакдан бошчани охирисигача бўлган масофа инобатга олинади. Жинсий олатни катталаштириш иккига бўлинади: нохирургик ва хирургик. Операциясиз усулларга вакуум ва тракцион усуллар киради. Вакуум усулда махсус манфий босим ҳосил қиладиган жиҳоздан фойдаланилади. Манфий босим ҳосил қилиш ҳисобига олатга қон оқими кучаяди, гуё ки тўқималарни чўзилишига олиб келади дейилади. Натижа олиш учун камида 12 ой давомида ҳар куни қилишлари керак бўлади. Лекин ишончли натижага эришилганлиги ҳақидаги маълумотлар адабиётларда йўқ, узоқ муддат ишлатиш натижасида терида жароҳатланишлар гематомалар вужудга келади. Яна бир операциясиз усул бўлган тракцион (чўзиш) усул юқоридагига нисбатан эффектив ҳисобланади. Асосида жинсий олат тўқималарини куч билан узоқ муддат чўзиш, тортиш ётади. Бунинг учун экстендерлар (Andro-Penis ва ҳ.к.).дан фойдаланилади. Бу жиҳоз бериладиган кучни назорат қилиб туради. Ва кучни аста секинлик билан орттириш тавсия қилинади. Керакли натижага эришиш учун камида олти ой давомида ташиб юришлари керак. Кунига саккиз соатгача. Экстендер фойдаланганлар 2,5–3 смгача узайганини айтишади, лекин бу усулни ҳам узоқ йиллик натижалари қайд қилинга мақолалар йўқ. Камчиликлари кундалик турмуш тарзига ҳар куни ташиб юриш зарар келтиради. Чўзилгани учун оғриқ, гематома(қон қуйилиши), жинсий олат эгриликларни ва пейрони касаллигини келтириб чиқариши мумкин. Юқорида кўрсатилган усуллардан операциядан кейин фойдаланиш баъзи мутахассисларга кўра оперцияни ножўя асоратларини олдини олиш учун мумкин. Бундан ташқари нохирургик усулларга қуйидагилар киради: Турли магнит ва электр жиҳозлар гуёки жинсий олат ўсишини стимул қилади – абсолют бефойда; Биодобавкалар, «дунёдаги мавжуд ўт-ўланларни барчасини ўз ичига оладиган» ва натижада «ҳеч қандай бахс мунозарасиз» ўсишига олиб келади– абсолют бефойда; Гормонал препаратлар – натижаси маълум ёшгача ва гипогонад ҳолатларда.