Laziz uchun bu kecha bir laxzada o'tib ketgandek bo'ldi. Tongga yaqin Nigina Lazizni quchog'idan chiqib, ketish uchun kiyimlarini kiya boshladi. Laziz ozi xohlamay noiloj u bilan hayrlashdi. Shu kundan Lazizni yurish turishi o'zgardi. U har kunni Niginani hayolida o'tqazar, kech tushgach esa uning yoniga oshiqardi. U allaqachon qizning asiriga aylanib ulgurgandi. Bu orada yiqgan pullarini sarflab, yana anchagina qarzga ham kirib qoldi. Endi u avvalgidek shijoat bilan ishlolmas, bo'sh qoldi deguncha Nigina haqida hayol surardi. Uni qanday qilib bo'lmasin o'ziniki qilishni o'ylardi. Qizga u bir necha bor, qo'y bu ishingni men bilan yur seni baxtli qilaman deb rosa yalindi, lekin o'jar qiz unga sira bo'yin egmay o'z bilganini qilardi. Lazizni ishlari yurishmay anchagina qarz bo'lib qolgach unga hechkim qarz bermay qo'ydi. Nigina ham o'zini undan olib qocha boshladi. Nima qilishga boshi qotgan Laziz oxiri Komilga bor dardini dasturxon qildi. -Ex og'ayni ishq dardiga mubtalo bo'libsanku, men bu borada bir narsa deyolmayman- dedi, Komil uni gaplarini tinglagach. -Bilmadim menga nima bo'ldi, lekin pul topishim kerak, usiz yashay olmayman do'stim. Komil o'zini nimalarnidir o'ylayotgandek tutib uzoq vaqt sukut saqladi. -Hey menga qara o'zimizni eski ishimizni qilsakchi? Komil zo'r narsa o'ylab topgandek Lazizga ayyorona gap tashladi. -Qaysi ish? Qartami? Eee qo'ysangchi u narsalar shunchaki yoshlikdagi bir ermak edida- Laziz be havfsala qo'l siltadi. -Menga ko'p pul kerak, karta o'ynab uncha pul topib bo'lmaydi. -Aslida esa qimor o'ynamay, yoki og'irlik qilmay uncha pul topib bo'lmaydi- dedi Komil uni gapini bolib. -Meni yana qamalgim kelmayabdi shuning uchun o'g'irlik qilmayman. -E men senga o'g'irlik qil dedimmi? O'zi odam quriganday senga dardimni aytgan men axmoqman. -Unda qimor o'ynaylik, eslaysanmi qimorda rosa omading kelardi, balki yana o'zingni sinab ko'rarsan? -Bilmadim rozi bo'ldim ham deylik, lekin kim bilan o'ynaymiz? -Uyog'ini menga qo'yib ber oshna o'zim laqqa baliqlarni zo'ridan topaman, sen eplab tutib olsang bo'ldi- Komil xoxolab kulgancha Lazizni yelkasiga urib qo'ydi. Ikkalasi barda ancha vaqt mayxo'rlik qilib qamoqdagi vaqtlarini, karta o'ynab kimlarni shilganlarini eslab, endi nimalar qilishlari haqida har xil rejalar tuzishdi. Lazizni yaxshigina kayfi oshgach uni uyiga Komil kuzatib qo'ydi. Eshikni ochgan Gulnoza u yerda Komilga suyanib turgan akasini ko'rib uni qo'ltig'idan ushlab ichkariga tortdi. Komil qizni ko'rgach unga suqlanib ozroq tikilib turdiyu, eshik yopilgach noiloj orqaga qaytdi. Oradan ikki kun o'tgach ishxonada Komil Lazizni yoniga kelib unga sekin: -Tayyorlan bugun kechasi bir joyga boramiz. -Qayerga? - Laziz Komilni nimaga sha'ma qilganini bilsa ham, unga savol berdi. -Vokzal yonidagi ,,Nur" kafesini podvolida bugun o'yin bo'larkan. Hammasi ona suti og'zidan ketmagan go'daklar, sen ularni bir deganda ship shiydon qilasan.- Komil yana xiringlab kulib undan uzoqlashdi. Laziz bir muddat o'yga toldi, endi bunaqa ishlar qilmayman deb o'ziga va onasiga so'z bergandi, lekin Niginani sog'inchi uni bergan vadasini buzishga undardi. Kech tushgach Laziz Komilni yoniga shoshdi, u ortiq hijron azobiga bardosh berolmasdi. Ikkalasi birgalashib belgilangan manzilga yo'l olishdi. Tashqaridan ancha hashamatli ko'rinadigan bu restoranda qimor o'ynaladi desa hechkim ishonmasdi. Komil kim bilandir gaplashib kelgach, bir yigit chiqib ularni restoran yerto'lasiga boshladi. Pastga tusharkan Lazizni hayajon bosa boshladi, u birinchi marta qamoqdan tashqarida haqiqiy qimorga qadam qo'yayotgan edi Yer to'la ham shinamgina jihozlangan, burchakda har xil ichimliklar sotiladigan ,,Bar" boshqa burchakda o'rtacha kattalikdagi bilyard stoli, o'rtada esa kattaligi bilyard stolidan qolishmaydigan stol bo'lib uning atrofida 5-6 ta yigit tizilib karta o'ynashardi. Laziz va Komil yigitlar bilan salomlashgach stol atrofidan joy olishdi. Laziz ularni o'yinini kuzatarkan Komilga savolomuz nigoh tashladi. Komil uni nima demoqchiligini tushunganday unga yaqinlashib sekin pichirladi: -Bu boshqacha o'yin ,,Svara" deyiladi, hozir shaxarda shu o'yin moda bo'lgan, ozgina qarab tursang o'rganib olasan juda oson. Darxaqiqat Laziz o'yinni ozroq kuzatgach ancha muncha tushunib oldi. O'rtada uncha katta bo'lmagan pul aylanar, asosan ,,Joker" kimga tushsa o'sha yutib olardi. Pulning miqdorini ko'rib Lazizni xavfsalasi pir bo'ldi. Bularning barchasini pulini qo'shgan taqdirda ham Niginani yoniga borishimga yetmaydi, deb hayol qildi, lekin yangi o'yinni yaxshiroq o'rganish uchun ham o'ynashga qaror qildi. Nihoyat Laziz bilan Komil ham o'yinga qo'shilishdi. Dast avval ularni omadi chopmadi. Kattaroq karta kelganda kimda ,,Joker" bo'lsa yutib olaverdi, kichikroq kelganda esa, kartasi juda kichiklari ham pul chiqib qo'rqitib yutib ola boshladi. Nihoyat o'yinni va qimorbozlarni o'yin uslubini ancha o'zlashtirib olgan Laziz ham sekin asta yuta boshladi.